Þann 21. mars er alþjóðlegur dagur gegn kynþáttamisrétti. Af því tilefni eru um alla Evrópu haldnir viðburðir tengdir fjölbreytileika undir yfirskriftinni Evrópuvika gegn kynþáttamisrétti. Síðustu ár hefur Mannréttindaskrifstofa Íslands staðið að margvíslegum viðburðum í samstarfi við ýmsa hópa ungs fólks á Íslandi.
Í ár leitar Mannréttindaskrifstofan til grunnskóla um að vinna saman að táknrænu og skemmtilegu verkefni. Þemað í ár er Hönd í hönd og viljum við sjá alla grunnskólanemendur á landinu fara út úr skólabyggingunni og leiðast í kringum hana og þannig standa saman með margbreytileika í okkar samfélagi. Við í Álfhólsskóla létum okkur málið varða og föðmuðum okkar skóla. Smelltu á linkinn 🙂