Berglind Sigríður Ásgeirsdóttir er sálfræðingur skólans. Hún sinnir nemendum ýmist að ósk skóla eða forráðamanna. Skólinn vísar nemendum aðeins til sálfræðings að gefnu skriflegu samþykki forráðamanna. Forráðamenn leita til umsjónarkennara hafi þeir í hyggju að leita þjónustu skólasálfræðings. Umsjónarkennari hefur milligöngu um að vísa erindinu til nemendaverndarráðs sem síðar vísar erindinu áfram til sálfræðings.
Þurfi nemandi sálfræðiaðstoð þarf að fylla út sérstakt eyðublað sem er aðgengilegt hjá ritara. Sú umsókn fer til afgreiðslu hjá nemendaverndarráði sem síðan sér um formlega skráningu umsóknar í rafræna skólaþjónustu Kópavogsbæjar. Í framhaldinu koma rafrænarir spurningalistar til foreldra og/eða annarra sem sálfræðingur þarf upplýsingar frá.
