Dagana 3. – 6. desember er Kærleikskaffihús hjá okkur í Álfhólsskóla á sal skólans í Hjalla.
Á kærleikskaffihúsi hittast vinabekkirnir/árgangar, borða saman vöfflur með sultu og rjóma og drekka heitt súkkulaði við kertaljós. Jólatónlist ómar um salinn, vöfflulykt í loftinu og dásamlegur jólaandi yfir öllu.
Vinabekkirnir syngja svo sitthvort jólalagið.
Starfsfólk skiptist á að baka vöfflur og þjóna til borðs.